Editamos los númberos 17 y 18 de la revista lliteraria pa xente mozo Formientu, amás de la so edición especial por mor de la VII Xunta d’Escritores Asturianos cellebrada en Villaviciosa nel añu 2017.
Formientu ye una revista de lliteratura n’asturianu fundada en Xixón nel añu 2006 por Inaciu Galán y Benxa Pérez. El primeru foi director de la revista dende’l primer númberu hasta l’añu 2017, cuando na VII Xunta d’Escritores Asturianos presentó’l númberu especial editáu a costafecha pal eventu. Dende entós son codirectores Diego Solís y Claudia Elena Menéndez, formando parte del Conseyu de Redacción a lo llargo d’estos años escritores como Laura Marcos, Andrés Astur Treceño, Nacho Iglesias «Wings», Alba Carballo, Raquel F. Menéndez o Francisco Priegue, ente otros.
Cartes nel horru (y delles hestories más) ye la primer obra qu’editamos dientro de la colección de narrativa Enriqueta González Rubín. Trátase d’una esbilla de rellatos del autor Inaciu Galán, dalgunos d’ellos premios en concursos.
Inaciu Galán ye doctor pola Universidá d’Uviéu cola investigación » La llingua asturiana nel Franquismu», ye escritor, periodista y xestor cultural. Tien una bona riestra de premios lliterarios, ente los que destaquen el premiu Fernán-Coronas de poesía o l’Enriqueta González Rubín de periodismu. Autor del primer diccionariu billingüe asturianu-inglés/inglés-asturianu, asoleyó tamién un llibru pa la reciella Nel, el coríu que nun sabía nalar y trés poeamirios Tierra Podre (2016), Patria en pallabres menores (2018). El so llabor nel ámbitu lliterariu llevólu a fundar y dirixir a lo llargo de más d’una década la revista Formientu, dedicada a atores mozos, tamién en 2022 xunto con Vero Suari asoleya La Curuxa Catuxa col que se fain col premiu María Xosefa Canellada de lliteratura infantil.
Baxo’l pumar, de Marga Pedrayes, ye la segunda obra de la nuesa colección de narrativa Enriqueta González Rubín.
Marga Pedrayes ye escritora y en 2012 edita La novela vikinga, una primer novela d’ambientación hestórica na época del últimu rei asturianu. Tien amás espublizaos microrellatos de tematica diversa seleccionaos en concursos, unu d’ellos finalista nel concursu de rellatos eróticos de la llibrería La Costera de Xátiva y otros editaos en volumenes colectivos, l’últimu como collaboración pal llibru solidariu Historias de Malasaña.
L’escudu d’armes de Xixón ye la primer obra d’investigación de la colección Alfredo Villa y Villa, un estudiu realizáu por Xuan F. Bas Costales.
Xuan F. Bas Costales ye llicenciáu en Xeografía y Historia pola Universidá d’Uviéu, tien sío becariu d’investigación del Muséu del Pueblu d’Asturies. Foi comisariu de la esposición Una historia de papel. 500 años en los documentos del Archivo Municipal de Gijón y autor del so catálogu (2006). D’igual miente, tien espublizao Dos estudios etnográficos sobre el oriente de Asturias (2007) -como editor- y La pesca en el Eo, Cultura y tradición ribereña (2007), lo mesmo que dellos artículos al rodiu, sobre too, la historia de la cultura material, l’alimentación y la pesca de ríu n’Asturies. Arriendes d’ello, fixo l’estudiu históricu (espublizáu en Cultures, Revista Asturiana de Cultura y n’Asturies, memoria encesa d’un país) y el proyectu museolóxicu de la Casa del Marco de Vilarquille (Samartín d’Ozcos), ellaboró los conteníos de los centros d’interpretación de la Pesca nel Eo en San Tiso d’Abres y de l’Artesanía del Fierro en Bual. Anguaño ye profesor d’educación secundaria y bachilleratu de Xeografía y Historia y de Llingua asturiana y Lliteratura, amás de corrector ortotipográficu y traductor nesti idioma.
Volvemos en 6 minutos ye la cuarta publicación del poeta Diego Solís y la primer obra de la colección de poesía Matilde de Soignie.
Diego Solís, nacíu en Xixón en 1991, ye graduáu en Llingua Española y les sos Lliteratures pola Universidá d’Uviéu. Ye’l fundador ya ideólogu del movimientu Fame Poétika col que coordina too tipu d’eventos ya alcuentros venceyaos cola lliteratura y la cultura. Co-dirixe la revista de lliteratura moza Formientu. Publicó los sos artículos, poemes y rellatos n’estremaes antoloxíes y revistes. Tien dellos poemarios espublizaos: Hágase abril (Ruleta Rusa Ediciones, 2018), Y el mundu marcha (Saltadera, 2019), Cállanos con esa música (Impronta, 2019, Premio Asturias Joven de Poesía 2018).
